Ariane

Betidanik gustatu izan zait argazkigintzaren bidez pertsonen bizitzan une bereziak harrapatzea. Joan den udan izan nuen argazki saio hau dakarkizuet gaurkoan. Ariane neska alaia da, interpretazioaren, dantzaren eta argazkigintzaren zale amorratua; eta egun hartan, momentuaz, naturaz eta bere pasioaz gozatzen aritu ginen.

Opari bat zen, beraz, zerbait berezia eta pertsonala izan behar zuen. Artearekiko maitasuna eta bere nortasuna atzeman nahi nuen irudi bakoitzean. Giro intimo eta etereoa sortzea zen asmoa, feminitatearen edertasuna adieraziz, bide batez.

Pose eta argazki bakoitzarekin bere esentzia eta berezko edertasuna nabarmentzen saiatu nintzen. Eta, batez ere, berak kamera aurrean gozatzea.

Argazkiek denbora geldiarazteko ahalmena du, pertsona baten, une baten edo pasio baten esentzia atzemateko ahalmena, betirako zure bidelagun izan dadin.